Əmlakını öz adına keçirmək istəyənlər üçün böyük ŞANS

Əmlakını öz adına keçirmək istəyənlər üçün böyük ŞANSƏmlak Məsələləri Dövlət Komitəsi daşınmaz əmlakın qeydiyyatı xidmətlərini müxtəlif kampaniyalar ilə səyyar şəkildə kənd və qəsəbə sakinlərinə təqdim etməkdədir.

Xidmətləri birbaşa vətəndaş ünvanlarına aparan "Əmlakını qeydiyyata al və mülkiyyətinə sahib ol" aksiyası bu həftə Sumqayıt şəhəri, H.Z.Tağıyev qəsəbəsində keçiriləcək. Vətəndaşların daşınmaz əmlakın qeydiyyatı ilə bağlı xidmətlərdən yaralanması üçün H.Z.Tağıyev qəsəbəsi, S.Bəhlulzadə küçəsi (21 saylı Mənzil İstismar Sahəsinin qarşısı) ünvanında mobil ofis fəaliyyət göstərəcək. Qəsəbə sakinləri 21-25 yanvar tarixlərində saat 09:00-dan 17:00-dək yaşayış evləri, bağ evləri, həyətyanı torpaq sahələri və digər daşınmaz əmlaklarla bağlı qeydiyyat xidmətlərin istifadə etmək üçün müraciət edə bilər. Sosial əhəmiyyətli bu kampaniya vətəndaşların mülkiyyət hüquqlarından əlçatan formada istifadəsinə şərait yaratmaqla yanaşı, müxtəlif kənd və qəsəbələrdə qanunvericiliyə uyğun qeydiyyata alınmış daşınmaz əmlakların sayını artırır. Birbaşa ünvanlarda göstərilən keyfiyyətli xidmətlər ilə vətəndaş məmnunluğu və rahatlığı təmin edilir.

Mənbə: Fins.az


Tarix: 12 fevral 2019

Daşımaz əmlak xəbərləri