Türkiyədə ipoteka

Türkiyədə ipotekaMənzilin ipoteka ilə əldə olunmasına ən çox tələbat Türkiyənin aşağıdakı bölgələrindədir: Antalya, Bodrum, Alaniya, Mahmultar, Kuşadası, İzmir, Didim, İstambul, Damra və Fethiye. İpoteka kreditini həm hazır daşınmaz əmlaka, həm də hələ tikilməkdə olan obyektlərə rəsmiləşdirmək olar.

Zəruri sənədlər nöqteyi-nəzərindən Türkiyədə ipoteka kreditinin rəsmiləşdirilməsi proseduru Azərbaycanda ipoteka əldə olunması ilə eynidir. Kreditləşmənin əlçatan olmasına gəlincə isə, Türkiyə bir sıra üstünlüklərə sahibdir:

• Kredit üzrə faiz dərəcəsi nadir hallarda 7-9%-dən çox olur;

• Verilən kreditin ümumi həcmi əldə olunan daşınmaz əmlakın ümumi qiymətləndirmə dəyərinin 50-60%-nə qədər təşkil edə bilər;

• Kreditin verilmə müddəti – 5-15 il;

• Faiz dərəcələrinin mümkün dəyişməsi ilə əlaqədar ipotekanın yenidən maliyyələşdirilməsi imkanı.

İpotekanın rəsmiləşdirilmə proseduruna başlamaq üçün banka Sizin kredit qabiliyyətinizin zəmanətlərini təqdim etmək lazımdır. Bu, o deməkdir ki, aşağıdakı sənədləri gətirməlisiniz:

• Vergi ödəyicisinin fərdi nömrəsi – onu Türkiyə vergi müfəttişliyində rəsmiləşdirmək olar;

• Borcalanın şəxsiyyətini təsdiq edən sənədlər;

• Ödəmə qabiliyyətini təsdiq edən sənədlər. Bura daxil ola bilər: 2-FŞGV arayışı, sərbəst formada arayış, artıq sahib olduğunuz mülkə aid sənədlər. Biznesiniz olduqda hesablardan çıxarışlar və ya illik hesabatlar təqdim etmək olar;

• Əvvəlki kredit tarixçənizdən arayış - əgər varsa.

Azərbaycan vətəndaşları hər hansı məhdudiyyət olmadan, ümumi tələblər əsasında ipoteka rəsmiləşdirə bilərlər. Statistikaya əsasən, kredit rəsmiləşdirilərkən banklar arasında ən çox tələbat bunlaradır: Akbank, Garanti Bank, DenizBank. Son illər ərzində müştərilərə ən cəlbedici şərtlər təklif edən Bank Küveyt Türk böyük populyarlıq qazanmağa başlayır: rəsmiləşdirilən əmlakın dəyərinin 60% ödənilməsi, illik 8%.

Xarici vətəndaşlar ipotekanı avro, dollar, ingilis funtu, türk lirəsi ilə götürə bilərlər. Əhali arasında etibar qazanmış banklar bu valyutalarla işləyir. Krediti öz milli valyutanızda da rəsmiləşdirməyə cəhd edə bilərsiniz. Bu halda müqavilə az tanınan bankla, o qədər sərfəli olmayan şərtlərlə bağlana bilər.

Türkiyədə ipoteka krediti ilə mənzil alınması 2 aydan çox çəkmir. Bu müddət, ümumilikdə Avropa ilə müqayisədə kifayət qədər qısadır. Mütləq nəzərə almaq lazımdır ki: türk dili yaxşı bilməyinizə baxmayaraq, ipotekanın rəsmiləşdirilməsi, xüsusən də tərcümədə bir çox hüquqi və maliyyə incəlikləri ilə müşayiət olunur. Buna görə də yalnız türk dilini əla bilən peşəkar agentlə birlikdə müxtəlif dövlət müəssisələrini ziyarət etmək və hüquqi sənədləri rəsmiləşdirmək qətiyyətlə tövsiyə olunur.

Mənbə: kushadasi.az


Tarix: 9 mart 2019

Daşımaz əmlak xəbərləri