Həyət evi / Villa kiraye

Günümüzdə istirahət, şəxsi məkan və rahatlıq axtarışında olan insanlar üçün həyət evləri və villalar ən məqsədəuyğun seçimlərdən biri kimi dəyərləndirilir. Şəhər mənzillərindən fərqli olaraq, bu tip evlər daha çox sərbəstlik, genişlik və məxfilik yaradır.
Ailəli şəxslər, uşaqlı ailələr və ya təbiətlə iç-içə sakit bir mühitdə yaşamaq istəyənlər üçün həyət evi və villa həyatı həm praktiki, həm də psixoloji rahatlıq baxımından böyük üstünlüklərə malikdir. Bəs belə evləri haradan və necə axtarmaq lazımdır? Sualların cavabını bu yazıda cavablandırmışıq.

Niyə həyət evi və villa kirayələmək daha üstündür?

Şəhər mənzillərinə alternativ axtaranların sayı durmadan artır və bu artım təsadüfi deyil. Həyət evi və villa kirayələmək, yalnız yaşayış məkanı dəyişməyə deyil. Həm də həyat tərzini yeniləməyə yönəlik bir addımdır. İnsanların şəhər mərkəzinin səs-küyündən, tıxacından və dar məkanlarından uzaqlaşıb daha sakit, geniş və sərbəst bir mühitə yönəlməsi bu seçimlərin əsasını təşkil edir.

Məxfilik və şəxsi həyat

Həyət evləri və villalar yüksək səviyyədə şəxsi məkan imkanı təqdim edir. Şəhər mənzillərində divar qonşuları, səs ötürülməsi və ümumi koridorlardan istifadə kimi məhdudiyyətlər şəxsi həyatın məxfiliyinə xələl gətirmə imkanları var. Halbuki həyət evlərində belə məhdudiyyətlər yoxdur. Ev sakinləri öz həyətində sərbəst şəkildə istirahət edə, qonaq qəbul edə bilərlər. Onlar şəxsi fəaliyyətlərini başqalarının müdaxiləsi olmadan həyata keçirirlər. Bu, xüsusilə uşaqlı ailələr və sakitlik axtaran şəxslər üçün böyük üstünlükdür.

Daha çox genişlik və rahatlıq

Bir mənzillə müqayisədə həyət evləri və villalar həm otaq sayı, həm də ümumi sahə baxımından daha genişdir. Bu isə yaşayışın daha funksional və azad şəkildə təşkilinə imkan verir. Hər bir ailə üzvü üçün ayrıca otaq, əlavə qonaq otağı, iş küncü və ya istirahət zonası ayrılması mümkündür. Həyət sahəsində uşaq oyun meydançası, bağça və ya yay mətbəxi kimi rahatlıqlar da əlavə üstünlük qazandırır. Gündəlik həyatın stressindən uzaqlaşmaq üçün belə bir genişlik həm fiziki, həm də psixoloji rahatlıq verir. .

Təbiətlə iç-içə olmaq

Həyət evlərinin çoxu yaşıllıqlarla əhatələnmiş ərazilərdə yerləşir və bu da təbiətlə daha yaxın ünsiyyət deməkdir. Təmiz hava, quş səsləri, günəş işığı və açıq hava var. Bunların hamısı şəhər mənzillərində əldə olunması çətin olan üstünlüklərdir. Bu cür mühit həm uşaqların sağlam inkişafı, həm də böyüklərin stressdən uzaq və balanslı həyat sürməsi üçün lazımdır. Öz bağçasında tərəvəz yetişdirmək, ağac əkmək və ya sadəcə açıq havada çay içmək kimi imkanlar həyət evi həyatının ayrılmaz parçasıdır. Bütün bu üstünlüklər birlikdə həyat keyfiyyətini əhəmiyyətli dərəcədə artırır. Bu səbəbdən də həyət evi və villa kirayələmək bir çox insan üçün daha üstün seçim olaraq qalır.

Həyət evlərinin qiymət aralığı

Həyət evi kirayələyərkən qiymətlər müxtəlif faktorlardan asılıdır. Əsas amillər arasında evin yerləşdiyi ünvan, sahəsi, otaq sayı, təmir vəziyyəti və təklif olunan əlavə şərait vacib rol oynayır. Bakı şəhəri və ətrafında yerləşən həyət evləri daha yüksək qiymətlərlə təklif oluna bilər. Rayonlarda isə daha münasib variantlara rast gəlmək mümkündür. Eləcə də dənizə yaxınlıq, əsas magistral yollara çıxış və ictimai nəqliyyata yaxınlıq da qiymət formalaşmasında təsirli olur. Mərkəzə yaxın evlərdə komfort səviyyəsi yüksək olduqca qiymətlər də paralel olaraq artır. Eyni zamanda, evin texniki təchizatı və həyət sahəsinin böyüklüyü də ümumi dəyər qatır.

Gündəlik, aylıq və uzunmüddətli kirayələr

İstəyə görə həm qısa, həm də uzunmüddətli kirayə variantları var. Gündəlik kirayə üçün təklif olunan evlərin qiyməti adətən 40-150 AZN arasındadır. Bu tip evlər daha çox qonaqlar, turistlər və ya istirahət məqsədilə şəhərə gələnlər tərəfindən seçilir. Aylıq kirayə evlər isə daha uzun müddətli yaşayış üçün nəzərdə tutulur. Qiymətlər burada 500 AZN-dən başlayır. Yerləşmə və komfort səviyyəsinə görə 3000 AZN-ə qədər yüksəlır. Xüsusilə mərkəzdə və ya yüksək səviyyəli təmirli evlərdə bu qiymətlər daha yüksəkdir. Uzunmüddətli kirayə isə stabil yaşayış planlayan ailələr və ya iş məqsədilə şəhərdə uzun müddət qalacaq şəxslər üçün əlverişlidir.

Həyət evlərində rast gəlinən ümumi şəraitlər

Həyət evləri geniş yaşayış sahəsi və əlavə imkanları ilə seçilir. Əksər evlərdə artıq yaşayış üçün lazım olan bütün avadanlıq var. Mebel, tam təchiz olunmuş mətbəx, soyuducu, paltaryuyan, televizor, kondisioner və internet bağlantısı təmin olunub. Digər tərəfdən, bir çox evdə həyət sahəsində manqal üçün yer, yay mətbəxi, bağçılıq üçün sahə, hətta bəzilərində samovar və ya besedka yerləşdirilib. Bu cür əlavə rahatlıqlar gündəlik istifadəni asanlaşdırır. Həm də ailə və dostlarla keyfiyyətli vaxt keçirmək üçün şərait formalaşdırır. Bütün bu amillər həyət evlərini mənzillərdən fərqləndirir və kirayə bazarında özünəməxsus yerini qorumağa davam edir.

Villa kirayəsi

Villalar, standart yaşayış anlayışını aşaraq həm rahatlıq, həm də prestij axtaranlar üçün mükəmməl seçim sayılır. Şəhərin səs-küyündən uzaqda, yaşıllıqlar içində yerləşən bu tip mülklər yüksək səviyyəli həyat şəraiti ilə fərqlənir. Villalar adətən geniş sahəyə malik olur və şəxsi həyət, bağ, açıq və qapalı istirahət zonaları ilə təchiz olunur. Belə evlər ailəvi dincəlmək, sosial tədbirlər keçirmək və ya sadəcə istirahət üçün eksklüziv imkanlar verir. Burada həm qısa müddətli istirahət, həm də uzunmüddətli yaşam planlayanlar üçün alternativlər mövcuddur. Lüks təmir, yüksək keyfiyyətli mebel və texnika, interyerin zövqlə dizayn edilməsi də bu evlərin dəyərini artıran əsas amillərdəndir.

Hovuz, sauna və digər premium imkanlar

Villa kateqoriyasına aid evlər çox zaman klassik rahatlıq anlayışından kənara çıxaraq əlavə lüks funksiyalarla təchiz olunur. Bu tip yaşayış məkanlarında tez-tez qarşılaşılan xüsusiyyətlər arasında şəxsi hovuz, cakuzi, sauna, buxar otağı, açıq kinoteatr və hətta mini idman zalı yer alır. Bu imkanlar istifadəçilərə yüksək komfort təqdim etməklə yanaşı, gündəlik həyatın stresindən uzaqlaşmaq üçün də əla vasitədir. Bəzi villalarda xüsusi mühafizə sistemi və xidmətçi personal üçün nəzərdə tutulmuş yardımçı tikililər də mövcuddur. Bu da xüsusilə xarici qonaqlar və iş adamları üçün ideal yaşam şəraiti yaradır.

Əyləncə və istirahət

Villalar təkcə yaşamaq üçün yox, həm də sosial və ailəvi tədbirlər keçirmək üçün mükəmməldir. Ad günləri, ailə toplantıları, bayram tədbirləri və kiçik məclislər üçün geniş açıq sahəyə və rahat interyerə sahib bu evlər rahatlıqla fərdi istirahət zonasına çevrilir. Yaşıllıqla əhatə olunan həyət, besedka, manqal və açıq mətbəx kimi əlavələr tədbirlərin daha keyfiyyətli keçməsinə şərait yaradır. Xüsusilə yay aylarında açıq hava şəraitində istirahət etməyi sevənlər üçün villalar əvəzedilməzdir. Həmçinin bu məkanlar uşaqlı ailələr üçün də təhlükəsiz və əyləncəli məkandır.

Ailə və dostlarla dincəlmək üçün geniş imkanlar

Villada qalmaq həm ailəvi, həm də dostlarla birgə vaxt keçirmək baxımından möhtəşəm atmosfer yaradır. Geniş otaqlar, rahat həyət sahəsi, samovar, bağça və sükut içində keçən axşamlar sizi gündəlik iş həyatının yorğunluğundan uzaqlaşdırır. Eyni zamanda, qapalı mətbəx və geniş qonaq otaqları qonaqlı-qaralı axşamlar üçün uyğun şərait təqdim edir. Uşaqlar üçün yelləncəklər, kiçik oyun sahələri, hətta bəzi hallarda mini idman meydançaları da var. Beləliklə, villa kirayəsi yalnız bir məkan seçimi deyil, həm də həyat keyfiyyətinə verilən ciddi investisiyadır.

Həyət evi və villa seçərkən diqqət edilməli məqamlar

Həyət evi və ya villa kirayələmək istədikdə qərar yalnız görünüşə əsaslanmamalıdır. Uyğun seçim etmək üçün bir sıra texniki, funksional və hüquqi detallara xüsusi diqqət yetirmək lazımdır. Bəzi hallarda zövqlə təmir edilmiş bir ev, praktik istifadədə çatışmazlıqlara səbəb ola bilər. Həyət evi və ya villa seçərkən yerləşdiyi məkan birinci dərəcəli əhəmiyyət daşıyır. Ev şəhər mərkəzinə nə qədər yaxınsa, gündəlik ehtiyacların qarşılanması bir o qədər rahat olur. Ətrafda mağaza, aptek, məktəb və uşaq bağçasının olması ailəli şəxslər üçün böyük üstünlükdür. İctimai nəqliyyata çıxış, yaxınlıqda dayanacaq və asfalt yolun olması isə gündəlik hərəkəti asanlaşdırır. Evin yerləşdiyi məhəllənin səssizliyi, havanın təmizliyi və ümumi yaşayış səviyyəsi də uzunmüddətli komfort baxımından diqqətə alınmalıdır. Evin texniki vəziyyəti və təhlükəsizlik sistemi vacibdir. Kamera müşahidəsi, hasarlanmış ərazi, avtomatik darvazalar və işıqlandırma sistemləri yaşayış yerinin təhlükəsizliyini təmin edir. Elektrik, su, qaz, istilik və internet xətlərinin işlək vəziyyətdə olması da mütləq yoxlanılmalıdır. Yağış zamanı su basma riski olan zonalar və ya zəif drenaj sistemi olan evlərdə uzunmüddətli yaşayış üçün çətinlik yaradır. Əlavə olaraq, çıxarış, texniki pasport və istifadəyə yararlılıq sənədinin qaydasında olması hüquqi təhlükəsizlik, həm də gələcəkdə yarana biləcək problemlərin qarşısını almaq baxımından əhəmiyyət kəsb edir.